Notice

सूचना

यस सूचना मार्फत सम्बन्धित सबैको जानकारीका लागि अवगत गराइन्छ कि स्काई ओभरसिज सर्भिसेज प्रा.लि., इजाजतपत्र नम्बर १३३/०५४/०५६ ले वैदेशिक रोजगार ऐन २०६४, नियमावली तथा वैदेशिक रोजगार विभागबाट प्राप्त इजाजतपत्रअनुसार सुनसरी जिल्ला, इटहरी उपमहानगरपालिकामा शाखा कार्यालय सञ्चालन गर्न अनुमति लिएको भए तापनि हाल उक्त शाखा कार्यालय बन्द रहेको छ। उक्त इटहरीस्थित बन्द शाखा कार्यालय बाहेक नेपालको कुनै पनि अन्य स्थानमा यस कम्पनीको कुनै पनि शाखा कार्यालय स्थापना गर्न अनुमति लिइएको छैन र सञ्चालनमा पनि नरहेको व्यहोरा यसै सूचना मार्फत स्पष्ट रूपमा जानकारी गराइन्छ।

यस कम्पनीको आधिकारिक कार्यालय बाहेक अन्य कुनै स्थानमा कम्पनीको नाम प्रयोग गरी कार्यालय सञ्चालन गरिएको, सेवा प्रदान गरिएको वा कुनै पनि प्रकारको आर्थिक लेनदेन गरिएको पाइएमा त्यससँग यस कम्पनीको कुनै पनि किसिमको प्रत्यक्ष वा अप्रत्यक्ष सम्बन्ध नरहेको स्पष्ट गरिन्छ। साथै, कम्पनीको नामको दुरुपयोग गरी कुनै व्यक्ति, संस्था वा समूहले वैदेशिक रोजगारी सम्बन्धी कार्य, सूचना प्रवाह, रकम संकलन, सम्झौता वा अन्य कुनै गतिविधि गरेको पाइएमा त्यसप्रति कम्पनी कुनै पनि प्रकारले उत्तरदायी नहुने व्यहोरा समेत सर्वसाधारणको जानकारीका लागि सूचित गरिन्छ।

यस सम्बन्धमा कुनै अन्योल, थप जानकारी वा गुनासो भएमा सम्बन्धित निकाय वा कम्पनीको आधिकारिक केन्द्रीय कार्यालयमार्फत मात्र सम्पर्क गर्न सम्बन्धित सबैमा अनुरोध गर्दछौं। यो सूचना सर्वसाधारणको जानकारीका लागि औपचारिक रूपमा प्रकाशित गरिएको हो।

स्काई ओभरसिज सर्भिसेज प्रा.लि.
Right Person at Right Place at Right Time

प्रधान कार्यालय: काठमाडौँ–४, ठमेल
फोन नं.: ०१-४३५६६६६
इमेल: [email protected]